LUBUVA AIOMBA MANISPAA KUUNGA MKONO JUHUDI ZA MAENDELEO YA MTAA NA SIO KULETA VITISHO.

 MWENYEKITI wa Serikali ya Mtaa Oysterbay, Zefrin Lubuva, aliyeshika mdomo akiwa na vijana wa ulinzi na shirikishi kwenye mtaa wake, wakiangalia ofisi ambayo Halmashauri ya Manispaa ya Kinondoni imeweka alama ya X baada ya kuanza ujenzi wa ofisi ya kudumu kwenye mtaa huo.

 MWENYEKITI wa Serikali ya Mtaa Oysterbay, Zefrin Lubuva, aliyevaa suti ya kaki akiwa na baadhi ya vijana wa ulinzi shirikishi mbele ya ofisi ambayo inajengwa kwenye mtaa huu.

 MWENYEKITI wa Serikali ya Mtaa Oysterbay, Zefrin Lubuva akitoa maagizo kwa vijana wa Ulinzi Shirikishi kuimarisha ulinzi kwenye eneo ambalo ofisi imejengwa.


 Baadhi ya vijana wa Ulinzi Shirikishi wakiwa wamesimama kwenye ofisi ya Serikali ya Mtaa inayoendele kujengwa.



 MWENYEKITI wa Serikali ya Mtaa Oysterbay, Zefrin Lubuva, akiwa na baadhi ya vijana wa Ulinzi Shirikishi  wakiimarisha ulinzi  kwenye ofisi inayojengwa kwa nguvu za wananchi huku Halmashauri ya Manispaa ya Kinondoni ikiwataka kuondoa ofisi hiyo.


 Na Mwandishi Wetu.

MWENYEKITI wa Serikali ya Mtaa Oysterbay, Zefrin Lubuva, ameiomba Halmashauri ya Manispaa ya Kinondoni kutoa ushirikiano kwenye juhudi za maendeleo zinazofanywa na nguvu ya wananchi kwenye mtaa badala ya kutoa vitisho.

Ombi hilo amelitoa leo jijini Dar es Salaam, wakati akizungumza na waandishi wa habari kuhusu ujenzi wa ofisi unaoendelea kwenye mtaa wake ambapo Maofisa kutoka Halmashauri ya Manispaa ya Kinondoni wametaka ujenzi huo kutoendelea.

“Eneo hili  la  wazi la makutano ya barabara ya Karume na Msasani liliainishwa tangu 2014 kuwa ni eneo ambalo litajengwa ofisi ya Mtaa na Halmashauri walileta kontena hili ambalo tumeanza kujengea ofisi hii,”anasema Lubuva na Kuongeza

“ Mimi baada ya kuingia madarakani 2015 niliona ni bora nianze ujenzi huu wa ofisi ya kudumu, ila cha kushangaza baada ya serikali ya mtaa kuanza ujenzi  huu kwa nguvu za wananchi eneo ambalo Halmashauri waliweka kontena hili wamekuja kuweka alama ya  X na kututaka tuondoe ofisi hii,”

Lubuva anasema wakati walipoanza kujenga ofisi hiyo alifuata taratibu zote na aliandika barua kwa Mkurugenzi wa Halmashauri ya Kinondoni na Meya kutoa taarifa za ujenzi huo.

“Ofisi hii sijaanza kukurupuka kujenga nilitoa taarifa,  na ofisi hii sio yangu ni ofisi ya mtaa na wananchi na wadau mbalimbali wa maendeleo  ndio waliochangia ujenzi huu, wakati ujenzi wa ofisi ya mtaa ni jukumu la Halmashauri,”

Pia aliiomba Halmashauri kuacha zama za ukandamijazi kwani Mamlaka za mitaa zinabeba majukumu makubwa hivyo Halmashauri inapaswa kuziunga mkono.

Hata hivyo mwandishi wa blog hii alimtafuta Mkurugenzi wa Halmashauri ya Kinondoni   Alon Kagulumjuni ili aweze kulitolea ufafanuzi suala hilo simu yake ya mkononi iliiita bila kupokelewa.


Comments

Post a Comment

Popular posts from this blog

ASKOFU MWAMAKULA AMUWEKA WAKFU ASKOFU MPYA KENYA.

Image
ASKOFU MPYA! Kanisa la Moravian la Uamsho Tanzania limemuweka wakfu Mch. Paul Kamau Kabaiya kuwa Askofu wa Kwanza wa Kanisa la Moravian Kenya (The Moravian Church in Kenya) katika ibada iliyofanyika katika Ushirika wa Ruiru, katika County ya Ruiru karibu na Nairobi nchini Kenya jana tarehe 27/11/2017. Ibada ya kumuweka wakfu Askofu Kabaiya iliongozwa na Askofu Mkuu wa Dar es Salaam na Mkuu wa Kanisa la Moravian la Uamsho Tanzania, Mhashamu Askofu Emmaus Bandekile Mwamakula akisaidiwa na Maaskofu wawili wa Kanisa Anglikana la Kiinjili Tanzania ambao ni Mheshimiwa Mhashamu Askofu Kuwayawaya Stephen Kuwayawaya (Mvumi Makulu, Dodoma) na Mhashamu Askofu Edward Wilson (Kibondo, Kigoma) na hivyo kufanya idadi ya Maaskofu waliomuweka wakfu kuwa watatu kama utaratibu na kanuni ya Uaskofu wa mnyororo inavyotaka. Mhashamu Askofu Paul Kamau Kabaiya anakuwa pia ni Askofu Msaidizi wa Dar es Salaam na Askofu wa Kenya.  Mhashamu Askofu Kabaiya alisoma Moravian Theological Colle...
Read more

NABII ELIYA AZIDI KUFUNGUA WATU WALIOFUNGWA WENYE VIFUNGO MBALIMBALI.

Image
  Mtumishi wa Mungu  na Nabii wa Kanisa la  Christian Life  lililopo Tegeta Nyuki, Eliya Peter, akitoa pepo kwa dada huyo aliyekuwa akisumbuliwa na pepo  kwenye    semina ya maombi   iliyofanyika katika   Kanisa la Tabata Kimanga   EAGT kwa Rev Joseph Marego.    Mtumishi wa Mungu  na Nabii wa Kanisa la  Christian Life  lililopo Tegeta Nyuki, Eliya Peter, akimuamuru pepo atoke kwa kijana huyo ambaye pepo hilo  limemtesa kwa muda mrefu na kumfanya kupoteza kumbukumbu.    Mtumishi wa Mungu  na Nabii wa Kanisa la  Christian Life  lililopo Tegeta Nyuki, Eliya Peter, akiendelea kumuombea kijana huyo aliyekuwa akisumbuliwa na pepo.    Baadhi ya waumini waliohudhuria  semina ya maombi    iliyofanyika  Kanisa la Tabata Kimanga   EAGT kwa Rev Joseph Marego  jijini Dar es Salaam.    Mtumishi wa Mungu Siza Mare...
Read more

BONANZA LA BAJAJ, BODABODA LAFANA DAR

Image
Leonce Zimbandu BONANZA la Madereva wa Bajaji na Pikipiki  lililoshirikisha mchezo wa mpira wa miguu limefanyika leo katika viwanja vya Kawe Dar es Salaam  na timu ya Afrikana imeibuka kidedea kwa kunyuka timu ya Kawe kwa bao 2-0. Timu ya Afrikana ilipata nafasi ya kutiga fainali baada ya kuibajua timu, timu ya Mwenge Bajaji kwa goli  1-0  na kuingia fainali moja kwa moja, huku timu Kawe ilianza kwa kuifunga timu ya Masaki  kwa mikawaju ya penati bao 5-3. Kawe iliingia fainali baada ya kucheza  nusu fainali na timu ya Mikocheni na kuifuinga bao 2-1 kwa ushindi huo kawe ilijihakikishia kuingia fainali. Akizungumza katika Bananza hilo Mwenyekiti wa Bananza hilo Wilaya ya Kinondoni, Edward amezipongeza timu zilizoshiriki katika bonanza kwa kuonesha uzalendo wa kupenda michezo. Amesema kuwa lengo la bonanza hilo ni kubadilishana uzoefu na kufahamiana baina ya timu hizo ili kukuza uhusiano mwema baina yao  na kupinga utumiaji wa dawa ...
Read more